256

قصور: چھانگا مانگا سے نامعلوم بچے کی لاش برآمد

قصور (ڈیلی اردو) صوبہ پنجاب کے ضلع قصور میں کمسن بچے کو گلا دبا کر قتل کر دیا گیا ہے اور باقیات کوڑے کے ڈھیر پر پھینکی گئیں۔

پولیس کے مطابق بچے کی باقیات چھانگا مانگا کے نواحی گاؤں واں کھارا میں کوڑے کے ڈھیر سے ملیں۔ علاقہ مکینوں نے لاش کی باقیات دیکھ کر چھانگا مانگا پولیس کو اطلاع دی جس کے بعد اسے پوسٹ مارٹم کیلئے چونیاں ہسپتال منتقل کیا گیا۔

پولیس کا کہنا ہے کہ لاش دو سے تین روز پرانی لگتی ہے۔ شبہ ہے معصوم کو گلا دبا کر قتل کیا گیا۔ شناخت کیلئے کوششیں جاری ہیں۔

ادھر وزیراعلیٰ پنجاب عثمان بزدار نے بچے کی لاش برآمد ہونے پر سخت نوٹس لیتے ہوئے ڈی پی او قصور کو ملوث ملزموں کی جلد گرفتاری کا حکم دیتے ہوئے واقعے کی رپورٹ بھی مانگ لی ہے۔

خیال رہے کہ معصوم بچے کی لاش ملنے کے واقعہ نے قصور میں ننھی زینب اور چونیاں میں فیضان سمیت تین بچوں کے وحشیانہ قتل کا غم تازہ کر دیا ہے۔

اس خبر پر اپنی رائے کا اظہار کریں

اپنا تبصرہ بھیجیں