252

امریکا کی بزدلانہ کارروائی کا مردانہ وار جواب دیں گے، ایرانی جنرل اسماعیل قاآنی

تہران (ڈیلی اردو) ایران کی قدس فورس کے نئے سربراہ اسماعیل قاآنی نے امریکا کو مخاطب کرتے ہوئے کہا ہے کہ جنرل قاسم سلیمانی کو بزدلانہ حملے میں شہید کرنے والے امریکا پر مردانہ وار کارروائی کرکے جواب دیں گے۔

بین الاقوامی خبر رساں ادارے کے مطابق ایران کی قدس فورس کے سربراہ اسماعیل قاآنی نے کہا ہے کہ امریکا نے بزدلوں کی طرح حملہ کرکے جنرل قاسم سلیمانی کو شہید کیا ہے جس کا ہم مردوں کی طرح بہادری سے جواب دیں گے۔

قدس فورس کے سربراہ قاآنی نے مزید کہا کہ ایران امریکا کی طرح پیچھے سے بزدلانہ وار نہیں کرتا بلکہ مردوں کی طرح سامنے آکر مقابلہ کرتا ہے اور جلد ہی امریکا کو پتہ چل جائے گا کہ اس نے کس سے ٹکر لی ہے۔

قبل ازیں ایران کے روحانی پیشوا آیت اللہ خامنہ ای نے بھی امریکا کو دھمکی دی تھی کہ جنرل قاسم سلیمانی کی شہادت کا بدلا لینے کے لیے اُن کی فوج امریکا پر میزائل حملے سے بھی بڑھ کر کارروائی کرے گا۔

واضح رہے کہ رواں ماہ امریکی فوج نے بغداد میں میزائل حملے میں قدس فورس کے سربراہ جنرل قاسم سلیمانی کو شہید کردیا تھا جس کے جواب میں ایران نے امریکی اڈوں کو نشانہ بنایا تھا۔

اس خبر پر اپنی رائے کا اظہار کریں

اپنا تبصرہ بھیجیں