ڈی آئی خان (توقیر حسین زیدی) ڈیرہ اسماعیل خان کے محلہ کمہاراں والا میں ڈکیتی کی مزاحمت پر چچا اور بھتیجا زخمی، ملزمان 56 لاکھ 97 ہزار لیکر فرار ہوگئے۔
تفصیلات کے مطابق ڈیرہ اسماعیل خان شہر کے وسط میں واقع محلہ کمہاراں والا میں چچا سیف الرحمن ولد غلام حسین سکنہ محلہ کمہاراں والا اور بھتیجا مظہر علی نعمان ولد شاہجہان سکنہ وانڈہ موچیاں والا مکان کی فروخت کے بعد رقم کا بیگ لیکر گھر کے قریب پہنچے تو موٹر سائیکل پر سوار تین نامعلوم افراد نے اسحلے کے زور پر رقم کا بیگ چھین لیا۔
مزاحمت پر نامعلوم ملزمان کی فائرنگ سے چچا سیف الرحمان اور بھتجا مظہر علی شدید زخمی ہو گیا جبکہ ملزمان 56 لاکھ 97 ہزار کی رقم کا بیگ لیکر فرار ہو گئے ہیں۔
زخمی چچا اور بھتیجے کو فوری طور پر ڈسٹرکٹ ہیڈ کوارٹرز ہسپتال منتقل کر دیا گیا جہاں ان کا مزید علاج معالجہ جاری ہے۔ واقعہ کی اطلاع پر ڈی ایس پی محمد اقبال موقع پر پہنچ گئے۔
