پاراچنار (محمد صادق) ٹڈی دل نے قبائلی ضلع کرم کے ہیڈ کوارٹر پاراچنار سمیت ضلع کے مختلف علاقوں پر بڑا حملہ کردیا ہے اور کھڑی فصلوں کو نقصان پہنچا دیا ہے۔
کسانوں اور زمینداروں کے مطابق ٹڈی دل نے ضلع کرم کے صدر مقام پاراچنار سمیت ضلع کے مختلف دیہات سمیت مہورہ، احمد زئی، زیڑان، کڑمان، شلوزان، تری منگل اور دیگر علاقوں پر حملہ کردیا ہے اور ان علاقوں میں کھڑی فصلوں کو شدید نقصان پہنچا دیا ہے۔
امداد علی، جمشید حسین اور دیگر کسانوں نے بتایا کہ وہ اپنے فصلوں کو ٹڈی دل سے بچانے کیلئے آگ الاو جلارہے ہیں اور شور مچا کر ٹڈی دل کو بھگانے کی کوشش کررہے ہیں۔ کسانوں مزید کا کہنا تھا کہ جن جن علاقوں پر ٹڈی دل نے حملہ کردیا ہے وہاں ہر فصلوں کو شدید نقصان پہنچا ہے۔
