اوکاڑہ (نمائندہ ڈیلی اردو) پنجاب کے ضلع اوکاڑہ کے جنرل بس سٹینڈ پر نامعلوم افراد کی فائرنگ سے دو افراد ہلاک جبکہ تین زخمی ہوگئے۔
تفصیلات کے مطابق اوکاڑہ میں جی ٹی روڈ پر واقع جنرل بس سٹینڈ میں نامعلوم افراد کی جانب سے فائرنگ کی گئی۔ فائرنگ کے نتیجے میں ایک شخص موقع پر ہلاک اور 2 افراد شدید زخمی ہوگئے۔ عینی شاہدین کا کہنا ہے کہ قتل ہونے والے افراد مقامی ٹرانسپورٹرز ہیں۔
ملزمان فائرنگ کے بعد موقع سے فرار ہو گئے۔
اطلاع ملتے ہی پولیس کی بھاری نفری اور ریسکیو ٹیم موقع پر پہنچ گئی۔ ریسکیو نے زخمیوں کو تشویشناک حالت میں ابتدائی طبی امداد فراہم کرتے ہوئے ڈسٹرکٹ ہیڈ کوارٹرز ہسپتال منتقل کر دیا جہاں ایک اور زخمی شخص زخمیوں کی تاب نہ لاتے ہوئے دم توڑ گیا۔
ہسپتال ذرائع کے مطابق ہلاک ہونے والے ایک شخص کی شناخت ڈاکٹر محمد اشرف چوہدری جبکہ دوسرے کی اعجاز کے نام سے ہوئی ہے۔
ڈی پی او عمر سعید ملک نے واقعہ کا نوٹس لیتے ہوئے ملزموں کی فوری گرفتاری کیلئے متعلقہ پولیس کو احکامات جاری کر دیئے ہیں۔
