ٹانک: ذاتی دشمنی پر فائرنگ، ایک شخص ہلاک، خاتون سمیت 4 بچے شدید زخمی

ٹانک + ڈی آئی خان (نمائندہ ڈیلی اردو/سید وجاہت حسین زیدی) صوبہ خیبر پختونخوا کے جنوبی ضلع ٹانک میں ذاتی دشمنی کی بنا پر فائرنگ سے ایک شخص ہلاک اور خاتون سمیت 4 بچے شدید زخمی ہوگئے۔

تفصیلات کے مطابق ضلع ٹانک میں ملازئی کے علاقہ ڈب قلی خیل میں ذاتی دشمنی کی بنا پر فائرنگ کا واقعہ پیش آیا ہے جس میں ایک شخص ہلاک اور ایک خاتون سمیت چار بچے شدید زخمی ہوگئے۔

ہلاک اور زخمیوں کا تعلق ایک ہی خاندان سے بتایا جاتا ہے، زخمی ہونے والے چار کمسن بچے سگے بھائی ہیں۔

ہسپتال ذرائع کے مطابق ہلاک ہونے والے ایک شخص کی شناخت خان کے نام سے ہوئی ہے اور زخمیوں میں رحمت خان، بخت منیر، سید مومن اور رحیم شامل ہیں۔

اپنا تبصرہ بھیجیں