کوئٹہ (بیورورپورٹ) صوبہ بلوچستان کے ضلع خضدار کے قریب وڈھ اور ناچ قندھارو کے قریب ہائی وے روڈ پر لیویز اہلکاروں کی گاڑی کا ٹائر پھٹنے سے حادثہ پیش آیا۔ جسکے نتیجے میں سات لیویز اہلکار ہلاک ہوگئے۔
تفصیلات کے مطابق لورالائی کے علاقے میختر کے قریب سینیٹر سرفراز بگٹی کے اسکواڈ کی گاڑی کا ٹائر پھٹنے سے لیویز فورس کے سات اہلکار ہلاک ہوگئے ہیں جبکہ سرفراز بگٹی حادثے میں محفوظ رہے ہیں۔
اے سی لورالائی کے مطابق سابق وزیر داخلہ بلوچستان سینیٹر سرفراز بگٹی کے قافلے میں شامل گن مینوں کی گاڑی مخالف سمت سے آنے والے ٹرک کے ساتھ جا ٹکرائی۔ اس افسوسناک حادثے کے نتیجے میں سینیٹر سرفراز بگٹی کے 7 اہلکار ہلاک ہوگئے۔
لیویز ذرائع کا کہنا ہے کہ مزید زخمیوں کو طبی امداد کے لئے ڈسٹرکٹ ہسپتال لورالائی منتقل کیا جارہا ہے۔
