کابل (ڈیلی اردو/نیوز ایجنسیاں) افغانستان کے دارالحکومت کابل کے انتہائی سکیورٹی والے علاقے گرین زون میں واقع ایک مسجد میں خودکش دھماکے سے معروف اسلامی اسکالر سمیت دو افراد ہلاک اور دو زخمی ہوگئے۔
افغان وزارت داخلہ کے ترجمان طارق آرائیں نے صحافیوں کو بتایا ہے کہ ’’حملہ آور بمبار نے منگل کی شام مسجد وزیر اکبر خان کے ایک طہارت خانے میں خود کو دھماکے سے اڑایا ہے۔‘‘۔ موقع پر ایک نمازی ہلاک جبکہ تین زخمی ہوئے جن میں معروف اسلامی اسکالر و امام مسجد مولوی ایاز نیازی شامل تھے۔
https://twitter.com/TariqArian3/status/1267872596474953729?s=19
زخمیوں کو ہسپتال منتقل کیا گیا جہاں مولوی ایاز نیازی زخموں کی تاب نہ لاتے ہوئے چل بسے۔
مولوی ایاز نیازی نے مصر کی جامعہ الاظہر سے تعلیم حاصل کی تھی اور وہ صاف گوئی کی شہرت رکھتے تھے۔
صدر اشرف غنی کے ترجمان صادق صدیقی نے ایک ٹوئیٹ میں اس حملے کی مذمت کی ہے۔
The AFG government strongly condemns the heinous attack on a mosque in Kabul. Today's attack on a mosque reveals the brutality and inhumanity of those who purposefully perpetrate violence against our Ulema and innocent people. Condolences to the victims and their families.
— Sediq Sediqqi ???????? (@SediqSediqqi) June 2, 2020
انھوں نے کہا کہ ”اس حملے سے بخوبی پتا چلتا ہے کہ پرتشدد کارروائی کرنے والے کتنے سنگدل اور انسانیت دشمن ہیں جو ہمارے علما اور بے گناہ لوگوں کو ہدف بناتے ہیں۔ ہم ہلاک شدگان کے لواحقین کے ساتھ اظہار تعزیت کرتے ہیں۔”
افغانستان کی اعلیٰ قومی مصالحتی کونسل کے چئیرمین عبداللہ عبداللہ نے دہشت گردی کے اس واقعے کی مذمت کرتے ہوئے کہا ہے کہ دہشت گردوں نے انھیں تو قتل کردیا ہے لیکن وہ ان کی حقیقی مذہبی تعلیمات کو عام کرنے کے ورثے کو ختم نہیں کرسکتے ہیں۔
Criminal terrorists struck once again at a towering religious figure in our country. They view great religious scholars as a major threat against their extremist ideology. 1/2 pic.twitter.com/9vdeUcTsGl
— Dr. Abdullah Abdullah (@DrabdullahCE) June 2, 2020
ان کا کہنا تھا کہ دہشت گرد ملک کے عظیم مذہبی اسکالروں کو اپنے انتہا پسند نظریے کے لیے بڑا خطرہ سمجھتے ہیں اور اسی لیے وہ انھیں حملوں میں نشانہ بنا رہے ہیں۔
مسجد وزیر اکبر خان تک گرین زون ہی سے رسائی ہو سکتی ہے۔ اس قلعہ نما علاقے میں متعدد سفارت خانے اور بین الاقوامی اداروں کے دفاتر واقع ہیں۔
