میران شاہ (ڈیلی اردو) شمالی وزیرستان کی تحصیل میرعلی میں دھماکے کے نتیجے میں قبائلی ملک شہید ہوگئے۔
تفصیلات کے مطابق خیبر پختونخوا کے قبائلی ضلع شمالی وزیرستان کی تحصیل میر علی کے گاؤں نوراک مرسی خیل میں گاڑی پر دھماکا ہوا۔
دھماکے کے نتیجے میں ملک عباس بورا خیل موقع پر جاں بحق ہوگئے۔ ملک عباس کے لاش کو اسپتال منتقل کردیا گیا ہے۔
واقعے کے بعد سیکیورٹی فورسز نے علاقے کو گھیرے میں لیکر سرچ آپریشن شروع کردیا ہے۔
یاد رہے کہ قبائلی اضلاع میں تین ہزار سے زائد قبائلی عمائدین، میشران اور ملک کو نشانہ بنایا گیا ہے
