لندن (ڈیلی اردو) برطانوی وزیراعظم بورس جانسن کی گاڑی کو حادثہ پیش آگیا۔
تفصیلات کے مطابق برطانوی وزیراعظم بورس جانسن کا قافلہ معمولی ٹریفک حادثے کا شکار ہوگیا، مظاہرین میں سے ایک شخص اچانک قافلے کے سامنے آگیا جس کے سبب حادثہ پیش آیا۔ ڈرائیور نے ایمرجنسی بریک لگائی تو پچھلی گاڑی بورس جانسن کی کار سے ٹکرا گئی۔
رپورٹ کے مطابق حادثے میں برطانوی وزیراعظم کی کار میں ڈنٹ پڑ گیا، بورس جانسن اور گاڑی میں موجود دیگر افراد محفوظ ہیں۔ گاڑی کے سامنے آنے والے شخص کو پولیس نے حراست میں لے کر پولیس اسٹیشن منتقل کردیا۔
