کیچ: تربت میں سیکورٹی قافلے پر حملے میں ایک ایف سی اہلکار ہلاک، 3 زخمی

اسلام آباد (ش ح ط) صوبہ بلوچستان کے ضلع کیچ کی تحصیل تربت میں پاک ایران سرحد کے قریب دہشت گردوں کا سیکیورٹی فورسز کے قافلے پر حملہ، ایک ایف سی اہلکار ہلاک جبکہ تین شدید زخمی ہوگئے۔

ذرائع نے بتایا کہ تربت کے علاقے زامران جالگی میں دہشت گردوں کے خلاف کارروائی کے لئے جب سیکیورٹی فورسز کے اہلکاروں کا قافلہ گزر رہا تھا، اس دوران دہشت گردوں نے گاڑی پر شدید فائرنگ کردی جس کے نتیجے میں گاڑی میں سوار ایک اہلکار موقع پر ہی ہلاک اور تین شدید زخمی ہوگئے۔ زخمیوں کو کوئٹہ کے کمبائنڈ ملٹری ہسپتال منتقل کر دیا گیا۔

اپنا تبصرہ بھیجیں