166

صوابی میں فائرنگ سے ڈی ایس پی پولیس علامہ اقبال ہلاک، 3 پولیس اہلکار زخمی

صوابی (ڈیلی اردو) صوبہ خیبر پختونخوا کے ضلع صوابی میں پولیس اور ملزمان کے درمیان فائرنگ کے تبادلے میں ڈی ایس پی علامہ اقبال ہلاک اور تین اہلکار شدید زخمی ہوگئے۔

ڈی پی او عمران شاہد نے بتایا کہ صوابی کے گاؤں کالو خان میں اشتہاری ملزمان کی پولیس پر فائرنگ سے ڈی ایس پی رزڑ علامہ اقبال اور 3 پولیس اہلکار شدید زخمی ہوگئے۔ پولیس کے جوابی فائرنگ سے ملزم نصیر مارا گیا۔

انہوں نے بتایا کہ ڈی ایس پی علامہ اقبال نے اشتہاری ملزمان کی موجودگی کی اطلاع ملنے پر ان کی گرفتاری کیلئے نفری کے ہمراہ ملزمان کے ٹھکانے پر چھاپہ مارا کہ پولیس کو دیکھتے ہی انہوں نے فائرنگ کردی جس سے ڈی ایس پی علامہ اقبال ہلاک ہوگئے۔

انہوں نے بتایا کہ پولیس کے جوابی فائرنگ سے ایک ملزم ہلاک جب کہ ایک زخمی حالت میں فرار ہوگیا جس کے گرفتاری کیلئے علاقے میں سرچ آپریشن جاری ہے۔

اس خبر پر اپنی رائے کا اظہار کریں

اپنا تبصرہ بھیجیں