وانا (ڈیلی اردو) قبائلی ضلع جنوبی وزیرستان کے علاقے لدھا میں زائرین کی پک اپ کو حادثہ پیش آیا جس کے نتیجے میں 5 افراد ہلاک اور 21 زخمی ہوگئے۔
جنوبی وزیرستان میں مچن بابا کی زیارت سے واپسی پر لدھا کے علاقے میں زائرین کی گاڑی کھائی میں جاگری جس کے نتیجے میں اس میں سوار 26 سے زائد افراد زخمی ہوگئے۔
زخمیوں کو اسپتال منتقل کرکے طبی امداد فراہم کی گئی جہاں 5 افراد زخموں کی تاب نہ لاتے ہوئے دم توڑ گئے۔ زائرین کا تعلق ممہ خیل سرائے نورنگ سے ہے جو مچن بابا کے مزار گئے تھے۔
ہلاک افراد کی نمازجنازہ ضلع لکی مروت میں ان کے آبائی گاؤں ممہ خیل سرائے نورنگ میں ادا کی گئی۔
