ریاض (ڈیلی اردو) سعودی وزارت داخلہ نے یکم جنوری 2021ء سے ایئر پورٹس، بندرگاہیں اور سرحدی چوکیاں کھولنے کا اعلان کردیا۔
سعودی وزارت داخلہ نے یکم جنوری 2021ء سے ایئر پورٹس، بندرگاہیں اور سرحدی چوکیاں کھولنے کا اعلان کردیا، جبکہ عمرے سے متعلق لائحہ عمل بعد میں طے کیا جائے گا۔
وزارت داخلہ کے مطابق سعودی شہری بیرون ملک آجا سکیں گے جبکہ مخصوص ویزے پر موجود غیرملکیوں کو سعودی عرب واپس آنے کی اجازت ہوگی۔
واضح رہے کہ سعودی عرب نے بارہ مارچ کو کورونا وائرس کے باعث یورپی یونین سمیت بارہ نئے ممالک پر سفری پابندی عائد کرتے ہوئے عمرہ زائرین اور وزٹ ویزہ رکھنے والوں کو ملک چھوڑنے کی ہدایت کی تھی۔
