نیب نے پرویز خٹک اور مشتاق غنی کے خلاف تحقیقات شروع کردی

پشاور (ویب ڈیسک) نیب نے وزیر دفاع پرویز خٹک اور اسپیکر صوبائی اسمبلی مشتاق غنی سمیت دیگر کے خلاف تحقیقات شروع کردی ہیں۔

ایکسپریس نیوزکے مطابق نیب خیبر پختونخوا نے وزیردفاع پرویز خٹک، اسپیکر صوبائی اسمبلی مشتاق غنی، سابق چیف سیکریٹری امجد علی خان کے خلاف انکوائری شروع کردی ہے اور انہیں اگلے ہفتے طلب کیے جانے کا امکان ہے۔

نیب ذرائع کے مطابق ہری پورمیں پاک آسٹریلیا انسٹیٹیوٹ کے قیام اور پراجیکٹ ڈائریکٹرکی تعیناتی میں اختیارات کے ناجائز استعمال کیا گیا۔ سیکرٹری اعلی تعلیم نے نئے ادارے کے قیام اور وفد کو آسٹریلیا لیے جانے کے لئے 30 لاکھ کا فنڈ مانگا، سیکریٹری پی اینڈ ڈبلیو اورسیکریٹری فنانس نے بھاری لاگت کے باعث منصوبے کی مخالفت کی اور مخالفت کے باوجود بھی چیف سیکریٹری، مشیرتعلیم اور وزیراعلی نے منصوبے کی منظوری دے دی۔

سیکریٹری پی اینڈ ڈبلیو اور سیکریٹری فنانس نے نئے ادارے کے بجائے کسی ادارے کو اپ گریڈ کرنے کی تجویزدی، ادارے کے لئے پراجیکٹ ڈائریکٹرکی تعیناتی میں بھی میرٹ کو نظرانداز کیا گیا۔ دوسری جانب وزیراعلی نے رولز کی خلاف وزری کرکے ڈاکٹر نصیر علی خان کو پی ڈی تعینات کیا۔

اپنا تبصرہ بھیجیں