اسلام آباد (ڈیلی اردو) پاکستان نے زمین سے زمین پر مار کرنے والے بیلسٹک میزائل ’شاہین تھری‘ کا کامیاب تجربہ کرلیا۔
پاکستان فوج کے شعبہ تعلقات عامہ (آئی ایس پی آر) کے مطابق شاہین تھری بیلسٹک میزائل کا کامیاب تجربہ بحیرہ عرب میں کیا گیا جہاں میزائل نے کامیابی سے اپنے ہدف کو نشانہ بنایا۔
Pakistan conducted successful flight test of #Shaheen-3 surface 2 surface ballistic missile,having range of 2750 Kms. Flt test aimed @ revalidating various design & tech parameters of weapon system. President, PM, CJCSC & Services Chiefs have congratulated scientists & engineers. pic.twitter.com/uZqxTBJJGv
— DG ISPR (@OfficialDGISPR) January 20, 2021
ترجمان کے مطابق شاہین بیلسٹک میزائل 2750 کلومیٹر تک مار کر سکتا ہے۔
ترجمان کا کہنا ہے کہ میزائل تجربے کا مقصد مختلف ڈیزائن اور ٹیکنیکل پیرامیٹرز کو مزید مستحکم کرنا ہے۔
صدر مملکت ڈاکٹر عارف علوی، وزیراعظم عمران خان اور آرمی چیف جنرل قمر جاوید باجوہ نے کامیاب تجربے پر سائنسدانوں اور انجینئرز کو مبارکباد دی۔