باجوڑ میں نامعلوم افراد کی فائرنگ سے والی بال کھلاڑی ہلاک

خار (ڈیلی اردو) صوبہ خیبر پختونخوا کے قبائلی ضلع باجوڑ میں والی بال کا کھلاڑی نامعلوم افراد کی فائرنگ سے ہلاک ہوگیا۔

تفصیلات کے مطابق منگل اور بدھ کی درمیان شب تحصیل ماموند کے علاقے ترخو میں ماموند والی بال کلب کا کھلاڑی صلاح الدین والی بال میچ سے واپسی پر اپنے گھر کے سامنے نامعلوم افراد کی فائرنگ سے ہلاک ہوگئے۔

مقامی ذرائع کے مطابق صلاح الدین برخلوزو گراؤنڈ میں والی بال میچ کھیلنے کے بعد شام کے وقت گھر جاتے ہوئے ترخو ماموند میں نامعلوم افراد نے اندھا دھند فائرنگ کردی جس کے نتیجے میں صلاح الدین موقع پر ہی دم توڑ گئے۔

مقتول کے بھائیوں نے مقامی صحافیوں کو بتایا کہ ان کی کسی کے ساتھ کوئی ذاتی دشمنی نہیں تھی۔ اور صلاح الدین محنت مزدوری کے علاوہ ماموند کے مشہور والی بال کلب، برخلوزو والی بال کلب کا ممبر تھے۔

پولیس نے واقعہ کے تحقیقات شروع کردی ہے۔

اپنا تبصرہ بھیجیں