خار (ڈیلی اردو) صوبہ خیبر پختونخوا کے قبائلی ضلع باجوڑ میں والی بال کا کھلاڑی نامعلوم افراد کی فائرنگ سے ہلاک ہوگیا۔
تفصیلات کے مطابق منگل اور بدھ کی درمیان شب تحصیل ماموند کے علاقے ترخو میں ماموند والی بال کلب کا کھلاڑی صلاح الدین والی بال میچ سے واپسی پر اپنے گھر کے سامنے نامعلوم افراد کی فائرنگ سے ہلاک ہوگئے۔
باجوڑ، تحصیل ماموند کے علاقے ترخو میں ماموند والی بال کلب کا کھلاڑی صلاح الدین ولد باچا سید ، والی بال میچ سے واپسی پر اپنے گھر کے سامنے نامعلوم افراد کی فائرنگ سے جان بحق ، پولیس ذرائع pic.twitter.com/YdBQxSfYcW
— Bilal Yasir (@BilalYasirBjr) January 27, 2021
مقامی ذرائع کے مطابق صلاح الدین برخلوزو گراؤنڈ میں والی بال میچ کھیلنے کے بعد شام کے وقت گھر جاتے ہوئے ترخو ماموند میں نامعلوم افراد نے اندھا دھند فائرنگ کردی جس کے نتیجے میں صلاح الدین موقع پر ہی دم توڑ گئے۔
ٹارگٹ کلنگ اور باجوڑ عوام کی خاموشی
صلاح الدین نامی یہ خوبصورت نوجوان، جو ترخو ماموندو کا رہائشی تھا، کا کسی سے کوئی ذاتی رنجش نہیں تھا، اسے گذشتہ شام اپنے گھر کے قریب نامعلوم حملہ آوروں نے گولی مار کر قتل کردیا تھا۔ اج 3 بجے ان کا جنازہ تھا@ManzoorPashteen pic.twitter.com/7N7cggoPwQ
— Sohail Noor Khan (@sohailnoorkhan) January 27, 2021
مقتول کے بھائیوں نے مقامی صحافیوں کو بتایا کہ ان کی کسی کے ساتھ کوئی ذاتی دشمنی نہیں تھی۔ اور صلاح الدین محنت مزدوری کے علاوہ ماموند کے مشہور والی بال کلب، برخلوزو والی بال کلب کا ممبر تھے۔
پولیس نے واقعہ کے تحقیقات شروع کردی ہے۔