تہران (ڈیلی اردو) ایران نے کہا ہے کہ حکام نے ایک پرواز کے دوران ایک مسافر طیارے کو اغوا کی کوشش ناکام بنا دی ہے۔
ایران کے پاسداران انقلاب کور نے ایک بیان میں کہا ہے کہ آج اہواز شہر سے مشہد جانے والی ایران ائیر فوکر کی پرواز کو اغواء کرنے کی کوشش کی گئی۔
بیان میں مزید کہا گیا کہ پرواز نے مرکزی شہر اصفہان میں ہنگامی لینڈنگ کی اور اس واقعے میں کوئی زخمی نہیں ہوا۔
ایران کی سرکاری نیوز ایجنسی ارنا کی جانب سے جاری بیان میں کہا گیا ہے کہ طیارے میں کم از کم 100 مسافر سوار تھے۔ طیارے کو اغوا کرنے کی کوشش ناکام بناتے ہوئے مبینہ ہائی جیکروں کو گرفتار کر لیا گیا ہے۔
Plot to hijack passenger plane en route from Ahvaz to Mashad averted https://t.co/BwVPDi8X4Q pic.twitter.com/O0tKRzuax4
— IRNA News Agency (@IrnaEnglish) March 5, 2021
بیان میں کہا گیا ہے کہ ہائی جیکر طیارے کو اغوا کر کے اسے نامعلوم پر لے جانا چاہتے تھے۔
