کوئٹہ (ڈیلی اردو) صوبہ بلوچستان کے ضلع حب میں فٹبال میچ کے دوران گراؤنڈ میں دھماکے سے بارہ افراد زخمی ہوگئے۔
پولیس کے مطابق گزشتہ روز ضلع حب کے الٰہ آباد ٹاؤن کے فٹبال گراؤنڈ میں فٹبال ٹورنامنٹ کا فائنل میچ جاری تھا کہ دھماکا ہوگیا۔
دھماکے میں 12 افراد زخمی ہوئے ہیں جنہیں گورنمنٹ جام غلام قادر ہسپتال منتقل کردیا گیا ہے، بم ڈسپوزل اسکواڈ کو طلب کر کے علاقے کو گھیرے میں لے لیا گیا ہے۔
پولیس کا کہنا ہےکہ دھماکا ریموٹ کنٹرول ڈیوائس کے ذریعے کیا گیا، دھماکا خیزمواد تماشائیوں کے بیٹھنے کی جگہ پر چھپایا گیا تھا۔
