کراچی میں سی ٹی ڈی کی کارروائی، بلوچستان لبریشن آرمی کا دہشت گرد گرفتار

کراچی (ڈیلی اردو) کراچی میں کاؤنٹر ٹیرر ازم ڈیپارٹمنٹ (سی ٹی ڈی) نے نادرن بائی پاس سعیدآباد کے قریب کارروائی کے دوران کالعدم بلوچ لبریشن آرمی کے دہشتگرد کو گرفتار کرلیا۔

سی ٹی ڈی حکام کے مطابق نادرن بائی پاس سعید آباد کے قریب کارروائی کرتے ہوئے کالعدم بلوچستان لبریشن آرمی کے دہشتگرد کو گرفتار کیا گیا۔ دہشت گرد محمد آصف بروہی قتل، بھتہ خوری اور اغواء برائے تاوان میں ملوث ہے۔

دہشتگرد نے 2009ء میں بی ایل اے میں شمولیت اختیار کی تھی۔ دہشت گرد کراچی اور بلوچستان میں 7 افراد کے قتل میں ملوث ہے۔ دہشتگرد اغواء برائے تاوان اور بھتہ خوری کی 16 بڑی وارداتوں میں ملوث ہے۔

اپنا تبصرہ بھیجیں