کوئٹہ (بیورو رپورٹ) صوبہ بلوچستان کے ضلع قلعہ عبداللہ بازار میں پولیس موبائل کے قریب دھماکے کے نتیجے میں ایک اہلکار ہلاک اور 5 زخمی ہو گئے۔
تفصیلات کے مطابق قلعہ عبداللہ کے بازار میں پولیس کی گاڑی کے قریب عین اس وقت دھماکا ہوا جب اطراف میں عوام کی بڑی تعداد موجود تھی۔ دھماکے سے ایک پولیس اہلکار ہلاک جبکہ 5 افراد زخمی ہوگئے، زخمیوں میں پولیس اہلکار اور عام شہری بھی شامل ہیں۔ جنہیں قریبی ہسپتال منتقل کردیا گیا ہے۔
From the site of blast#KillaAbdullah #Balochistan https://t.co/VszRW6mOyu pic.twitter.com/owbqhKEmuN
— ???????? (@Info_Balochistn) April 28, 2021
پولیس کا کہنا ہے کہ دھماکا خیز مواد پولیس کی موبائل کے قریب کھڑی موٹر سائیکل میں رکھا گیا تھا، جسے ریموٹ کنٹرول کی مدد سے اڑایا گیا۔ جائے وقوعہ سے شواہد جمع کرلئے گئے ہیں جبکہ دھماکے کے بعد کوئٹہ چمن شاہراہ پر گاڑیوں کی آمدورفت معطل ہو گئی۔