حکومت مخالف صحافی کی گرفتاری، یورپی یونین نے بیلاروس پر پابندیاں عائد کردیں

منسک (ڈیلی اردو) حکومت مخالف صحافی کی گرفتاری کیلئے مسافر طیارے کوب یلا روس میں جبری اتارے جانے پر یورپی یونین نے بیلاروس پر پابندیاں عائد کردیں۔

گزشتہ دنوں رومان نامی صحافی یونان کے دارالحکومت ایتھنز سے لیتھونیا جا رہے تھے کہ بیلاروس کی حدود میں پرواز کے دوران طیارے کو دارالحکومت میں بہانے سے اتروایا گیا اور صحافی کو گرفتار کیا گیا۔

اس معاملے پر یورپی یونین نے بیلا روس کی فضائی کمپنیوں پر یورپی فضائی حدود اور ائیرپورٹس استعمال کرنے پر پابندی عائد کردی ہے۔

یورپی رہنماؤں نے حکومت مخالف صحافی کی فوری رہائی کا بھی مطالبہ کیا ہے، اس کے ساتھ ہی یورپی رہنماؤں نے تمام یورپی ائیرلائنز پر زور دیا ہے کہ وہ بیلا روس کی فضائی حدود کا استعمال نہ کریں۔

یورپی رہنماؤں نے انٹرنیشنل سول ایوی ایشن سے مطالبہ کیا ہے کہ وہ اس معاملے کی تحقیقات کرے۔

دوسری جانب بیلا روس ائیرلائن کی یورپی یونین کی فضائی حدود میں داخلے اور لینڈنگ پر پابندی فوری نافذ کردی گئی ہے۔

آئرش وزیراعظم نے پابندی کا خیر مقدم کرتے ہوئے کہا کہ مسافر طیارے کی زبردستی لینڈنگ یورپی یونین اور اس کے شہریوں پر حملہ تھا۔

اپنا تبصرہ بھیجیں