بلوچستان: پنجگور میں نامعلوم موٹر سائیکل سواروں کی فائرنگ، جے یو آئی کے ضلعی امیر ہلاک

کوئٹہ (بیورو رپورٹ) صوبہ بلوچستان کے ضلع پنجگور میں نامعلوم افراد نے فائرنگ کر کے جمعیت علمائے اسلام کے اہم رہنما کو قتل کر دیا۔

پولیس حکام نے کہا کہ مولانا عبدالحئی بلوچ مدرسہ عربیہ خیرالمدارس محمودیہ سے اپنے گھر جارہے تھے کہ راستے میں مسلح موٹر سائیکل سوار ملزمان نے ان کی گاڑی پر فائرنگ کردی۔

فائرنگ سے مولانا عبدالحئی بلوچ کو متعدد زخم آئے اور وہ موقع پر ہی دم توڑ گئے۔

واقعہ پنجگور کے مکران ڈویژن کے علاقے سوردو میں پیش آیا۔

فائرنگ کے بعد حملہ آور باآسانی فرار ہونے میں کامیاب ہو گئے۔

اس خبر پر اپنی رائے کا اظہار کریں

اپنا تبصرہ بھیجیں