افغانستان: بغلان پولیس ہیڈ کوارٹرز پر طالبان کا خودکش کار بم دھماکا، 4 اہلکار ہلاک، 10 زخمی

کابل (بیورو رپورٹ) افغانستان میں بغلان پولیس ہیڈ کوارٹرز پر طالبان کے خودکش کار بم دھماکے کے نتیجے میں 4 اہلکار ہلاک جبکہ 10 زخمی ہو گئے۔

ڈیلی اردو کے مطابق حکام نے بتایا کہ صوبہ بغلان میں پولیس ہیڈکوارٹر کے گیٹ پر کار بم دھماکہ کیا گیا جس کے نتیجے میں 4 پولیس اہلکار موقع پر ہلاک جبکہ صوبائی پولیس چیف سمیت 10 زخمی ہو گئے۔ زخمیوں کو فوری طور پر ہسپتال داخل کر دیا گیا۔

دھماکے کے بعد حملہ آور پولیس ہیڈکوارٹر میں گھس گئے تاہم سیکیورٹی فورسز نے کارروائی کے دوران علاقے کو کلئیر قرار دے دیا۔

دریں اثناء طالبان ترجمان ذبیح اﷲ مجائد نے دھماکے کی ذمہ داری قبول کرتے ہوئے دعویٰ کیا۔ حملے میں متعدد سکیورٹی اہلکار ہلاک ہوئے ہیں۔

اپنا تبصرہ بھیجیں