شمالی وزیرستان میں ڈپٹی کمشنر کے قافلے پر فائرنگ، ایک پولیس اہلکار سمیت 2 افراد ہلاک، 3 اہلکار زخمی

میران شاہ (ڈیلی اردو) صوبہ خیبر پختونخوا کے قبائلی ضلع شمالی وزیرستان میں ڈپٹی کمشنر شاہد علی کے سیکیورٹی سکواڈ پر دہشت گردوں نے حملہ کیا ہے جس کے نتیجے میں ابتک ایک پولیس اہلکار سمیت دو افراد ہلاک ہوگئے۔

سرکاری ذرائع کے مطابق واقعہ تحصیل میرعلی کے نواحی گاؤں ایپی کے قریب پیش آیا ہے، حملے میں ایک پولیس اہلکار الف رحمن اور ایک عام شہری حیات اللہ ساکن بکا خیل ہلاک ہوگئے۔

ذرائع کا مزید کہنا ہے کہ دہشت گرد حملے میں 3 سیکیورٹی اہلکار سلیم اللہ، فقیر اور نواز زخمی ہوئے ہیں جن کو علاج کیلئے قریبی ہسپتال منتقل کردیا گیا ہے۔

حملے کے بعد سکیورٹی فورسز نے علاقے کو گھیرے میں لے کر سرچ آپریشن شروع کردی ہے۔

اپنا تبصرہ بھیجیں