بلوچستان: کوئٹہ کے علاقے خروٹ آباد میں دھماکا، تین بچے ہلاک

کوئٹہ (نمائندہ ڈیلی اردو) صوبہ بلوچستان کے صوبائی حکومت کوئٹہ کے علاقے خروٹ آباد میں دستی بم دھماکے میں 3 بچے ہلاک ہوگئے۔

پولیس کے مطابق خروٹ آباد کے علاقے کلی بادیزئی میں دستی بم دھماکا ہوا ہے، جس میں 3 بچے ہلاک ہوگئے ہیں۔

ریسکیو کے مطابق تینوں بچوں کی لاشوں کو بی ایم سی ہسپتال منتقل کردیا گیا ہے۔

دستی بم دھماکے کی اطلاع ملتے ہی سکیورٹی فورسز نے علاقے کو گھیرے میں لے لیا، جبکہ جائے دھماکا سے شواہد اکٹھے کیے۔

پولیس کی ابتدائی تفتیش میں بتایا گیا ہے کہ بچوں کو دستی بم ملا تھا، جس سے وہ کھیل رہے تھے، بچوں کے کھیلنے کے دوران دستی بم پھٹ گیا جس سے تین بچے موقع پر ہی ہلاک ہوگئے ہیں۔

واقعہ کی تحقیقات شروع کردی گئی ہے۔

اس خبر پر اپنی رائے کا اظہار کریں

اپنا تبصرہ بھیجیں