ابوجا (ڈیلی اردو) نائیجریا کی شورش زدہ ریاست زمفارا میں مسلح افراد کے حملوں میں 53 کسان ہلاک ہو گئے۔
علاقے میں خوف کی فضا کے پیش نظر پولیس کی اضافی نفری تعینات کر دی گئی۔
غیرملکی میڈیا رپورٹ کے مطابق ضلع زورمی کی پولیس نے بتایا کہ حملہ آور جن کا تعلق شدت پسند کے ایک گروہ سے تھا، درجنوں کی تعداد میں موٹر سائیکلوں پر سوار ہو کر آئے۔
متعدد دیہات میں کھیتی باڑی میں مصروف کسانوں کو نشانہ بنایا، حملہ آوروں نے جان بچانے کیلئے بھاگنے والے کسانوں کا پیچھا کر کے انہیں گولیاں ماریں اس دوران کئی کسان زخمی ہوگئے۔
علاقے میں خوف کی فضا کے پیش نظر پولیس کی اضافی نفری تعینات کر دی گئی۔
واضح رہے کہ مسلح افراد کی جانب سے حالیہ برسوں میں نائیجیریا کی شمالی سرحد پر حملوں میں اضافہ دیکھا گیا ہے۔
