کابل (بیورو رپورٹ) افغانستان کے صوبے بلخ میں پولیس ہیڈ کوارٹر پر خودکش حملے میں چار افراد ہلاک ہو گئے۔
وزارت داخلہ کے ذرائع کا کہنا ہے کہ ایک خودکش بمبار نے بلخ کے ضلع دولت آباد میں اپنی بارود سے بھری گاڑی کو پولیس ہیڈ کواٹر کے قریب دھماکے سے اڑا دیا۔
ذرائع کا کہنا ہے کہ سیکیورٹی گارڈز نے حملہ آور کی گاڑی پر فائرنگ کردی جس پر حملہ آور نے دھماکہ کردیا۔ حملہ آور پولیس ہیڈ کوارٹر سے بارود سے بھری گاڑی ٹکرانا چاہتا تھا۔
ذرائع کا کہنا ہے کہ دھماکے میں چار افراد ہلاک ہوئے ہیں جن میں تین عام شہری جب کہ ایک سیکیورٹی اہلکار شامل ہیں۔
