کوئٹہ: شیعہ ٹارگٹ کلنگ میں ملوث داعش کا دہشت گرد ہلاک

اسلام آباد (ش ح ط) صوبہ بلوچستان کے صوبائی دارالحکومت کوئٹہ میں کاؤنٹر ٹیررازم ڈیپارٹمنٹ (سی ٹی ڈی) کی کارروائی کے دوران فرقہ وارانہ اور ٹارگٹ کلنگ میں ملوث داعش پاکستان کا دہشت گرد مارا گیا۔

تفصیلات کے مطابق کوئٹہ کے علاقے سریاب گوہر آباد میں سی ٹی ڈی کے آپریشن کے نتیجے میں کالعدم تنظیم داعش پاکستان کا دہشت گرد فضل الرحمن عرف شان مارا گیا۔

ترجمان سی ٹی ڈی کے آپریشن کے دوران دہشت گرد کی جانب سے فائرنگ اور دستی بم دھماکا کیا گیا جس کے نتیجے میں سی ٹی ڈی کے 2 اہلکار زخمی ہوگئے۔

ترجمان نے بتایا کہ اہلکاروں کی جوابی فائرنگ سے مبینہ دہشت گرد ہلاک ہوگیا جب کہ ملزم کے قبضے سے اسلحہ و گولہ بارود برآمد کیا گیا۔

ترجمان کے مطابق ہلاک ملزم فرقہ ورانہ، شیعہ ٹارگٹ کلنگ اور فورسز پر حملوں میں ملوث تھا۔

اس خبر پر اپنی رائے کا اظہار کریں

اپنا تبصرہ بھیجیں