اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں سرحد پار سے ہونے والی فائرنگ کے نتیجے میں دو ایف سی اہلکار ہلاک اور دو زخمی ہو گئے۔
سرکاری ذرائع کے مطابق تحصیل دتہ خیل کے علاقے خدرخیل میٹاخیل میں چیک پوسٹ پر گزشتہ شب سرحد پار سے فائرنگ کی گئی ہے جس سے چیک پوسٹ میں موجود حوالدار سلیم اور لانس نائیک پرویز موقع پر ہلاک جبکہ حوالدار غیاث اور سپاہی رحمان زخمی ہوگئے ہیں۔
شمالی وزیرستان میں سیکیورٹی فورسز کی چیک پوسٹ افغان سرحد کے قریب واقع ہے۔
تاحال یہ معلوم نہیں ہوسکا ہے کہ سرحد پار سے فائرنگ افغان فورسز کی طرف سے کی گئی یا یہ کارروائی شدت پسندوں کی ہے۔
