افغانستان: سیکیورٹی فورسز کے ساتھ جھڑپوں میں 261 طالبان ہلاک، 206 زخمی

کابل (بیورورپورٹ) افغانستان میں طالبان اور افغان سیکیورٹی فورسز کے درمیان جھڑپوں میں گزشتہ 24 گھنٹوں کے دوران 261 طالبان ہلاک ہوئے ہیں۔

وزارت دفاع کے مطابق لغمان، ننگرہار، پکتیکا، قندھار، زابل، بادغیس، بلخ ،جوزجان ،ہلمند، بدخشان، قندوز اور کاپیسا صوبوں میں افغان فورسز نے طالبان پر فضائی اور زمینی حملے کئے جس میں طالبان کے 261 دہشت گرد ہلاک اور 206 زخمی ہو گئے۔

وزارت دفاع کی جانب سے جاری بیان میں کہا گیا ہے کہ سکیورٹی فورسز نے مختلف اضلاع میں درجنوں بارودی سرنگوں کو بھی ناکارہ بنا دیا۔

اپنا تبصرہ بھیجیں