سویڈن میں جہاز گر کر تباہ، پائلٹ سمیت 9 افراد ہلاک

اسٹاک ہوم (ڈیلی اردو) سویڈن کے شہر اوریبرو میں ایک چھوٹا طیارہ ٹیک آف کے دوران گر کر تباہ ہوگیا جس کے نتیجے میں پائلٹ سمیت 9 افراد ہلاک ہوگئے۔

غیر ملکی میڈیا کے مطابق حادثے کا شکار (ڈی ایچ سی 2 بیور) طیارے کو ایک مقامی اسکائی ڈائیونگ کلب کی جانب سے کرائے پر حاصل کیا گیا تھا اور اس میں 8 اسکائی ڈائیورز اور ایک پائلٹ موجود تھا۔

سویڈن کے وزیراعظم اسٹیفن لوفن نے واقع پر افسوس کا اظہار کرتے ہوئے متاثرین کے اہل خانہ سے تعزیت کی ہے۔

خیال رہے کہ سویڈن میں 2 برس قبل ایسا ہی فضائی حادثہ پیش آیا تھا جس میں 9 افراد ہلاک ہوئے تھے۔

اس خبر پر اپنی رائے کا اظہار کریں

اپنا تبصرہ بھیجیں