پشاور میں مسلح افراد کی فائرنگ سے پولیس اہلکار ہلاک

اسلام آباد (ش ح ط) صوبہ خیبر پختونخوا کے ضلع پشاور میں مسلح موٹرسائیکل سواروں کی فائرنگ سے پولیس پولیس کانسٹیبل صفدر علی ہلاک ہوگیا۔

پشاور میں گذشتہ کچھ عرصے سے دن دہاڑے ٹارگٹ کلنگ کے واقعات میں پھر اضافہ ہوتا جا رہا ہے۔

پولیس کے مطابق موٹروے ٹول پلازہ پشاور کے قریب موٹر سائیکل سواروں نے فائرنگ کی۔

پولیس نے لاش پوسٹ مارٹم کے لیے مقامی ہسپتال منتقل کردی جبکہ نامعلوم مسلح موٹر سائیکل سوار موقع سے فرار ہو گئے۔

پولیس کا کہنا تھا کہ واقعے کی اطلاع ملتے ہی پولیس کی بھاری نفری جائے وقوعہ پہنچ گئی اور آس پاس کے علاقوں میں بڑے پیمانے پر سرچ آپریشن کا آغاز کر دیا گيا ہے۔

اپنا تبصرہ بھیجیں