اسلام آباد (ش ح ط) صوبہ خیبر پختونخوا کے ضلع مردان میں کاٹلنگ روڈ ڈاگئی سٹاپ کے قریب اتوار کی رات کو پولیس کی وین پر ہینڈ گرنیڈ حملے میں ایک اہلکار ہلاک ہوگیا۔
تفصیلات کے مطابق پولیس موبائل وین گشت کر رہی تھی کہ مردان شہر کے ڈاگئی سٹاپ کے قریب حملہ آوروں نے دستی بم پھینک دیا، بم پھٹنے کے نتیجے میں وین ڈرائیور ابرار احمد موقع پر ہی ہلاک ہوگیا، دہشت گرد موقع سے فرار ہوگئے۔
دھماکا ہوتے ہی پولیس اور قانون نافذ کرنے والے دیگر اداروں کے اہلکار جائے وقوعہ پر پہنچ گئے، جنہوں نے علاقے کو گھیرے میں لے لیا۔
