علی پور چھٹہ (ڈیلی اردو) مسلم لیگ ن کے رہنما عطا تاڑر کو ضلع گوجرانوالہ کی تحصیل وزیر آباد کے نواحی شہر علی پور چٹھہ سے گرفتار کرلیا گیا۔
تفصیلات کے مطابق پنجاب پولیس نے ڈپٹی سیکرٹری جنرل مسلم لیگ ن عطاء اللہ، ایم این اے ڈاکٹر افتخار چیمہ، ایم پی اے عادل بخش اور بلال فاروق سمیت متعدد کارکنوں کو گرفتار کر لیا۔
پولیس نے عطا تارڑ، عادل بخش اور بلال فاروق کو مذاکرات کے بہانے تھانے علی پور چھٹہ کے اندر بلایا۔ عطاء تارڑ نے ساتھیوں سمیت 5 گھنٹے سے تھانہ کے باہر دھرنا دے رکھا تھا۔
پولیس حکام کا کہنا ہے کہ عطا تارڑ نے گرفتار کارکنوں کو نہ چھوڑنے پر پولیس اہلکاروں سے جھگڑا کیا تھا۔
پولیس کے مطابق عطاء تارڑ کے خلاف تھانہ علی پور چٹھہ میں مقدمہ درج کیا گیا ہے جس میں تھانے پر حملے، پولیس اہلکاروں کی وردی پھاڑنے اور دھمکیاں دینے کی دفعات شامل ہیں۔
