عراق میں الحشد ملیشیا کے اسلحے کے گودام میں دھماکا، 3 جنگجو ہلاک

بغداد (ڈیلی اردو) عراق میں الحشد ملیشیا سے وابستہ امام علی بریگیڈ کے نجف الاشرف میں واقع ایک اسلحے گودام میں ہونے والے دھماکے میں کم سے کم تین جنگجو ہلاک ہوگئے ہیں۔

رپورٹس کے مطابق جنوبی عراق کےشہر نجف میں امام علی بریگیڈ کے ایک اسلحے گودام میں زور دار دھماکا ہوا۔

عراق کی جوائنٹ آپریشینز کمانڈ نے دھماکے کے اسباب معلوم کرنے کے لیے ایک انکوائری کمیشن قائم کردیا ہے جو واقعے کے ذمہ داروں کا تعین کرکے ان کے خلاف قانونی کارروائی کی سفارشات مرتب کرے گا۔ تحقیقات کے لیے تکنیکی ماہرین کی خدمات بھی حاصل کی گئی ہیں۔

ابتدائی تحقیقات سے معلوم ہوا ہے کہ دھماکا بے احتیاطی سے بارود کو ذخیرہ کرنے اور غیر معمولی درجہ حرارت کا نتیجہ ہے۔ شہری دفاع کی ٹیم اس وقت بھی جائے وقوعہ پر موجود ہے۔ فضائی دفاع نے اس علاقے میں کسی ڈرون طیارے کی آمد کی تصدیق نہیں کی ہے۔

اپنا تبصرہ بھیجیں