ٹوکیو (ڈیلی اردو) جاپان کے دارالحکومت ٹوکیو میں اولمپکس کے دونوں میچز میں شکست سے دو چار ہونے والی بیڈمنٹن پلیئر ماحور شہزاد غصے میں آگئیں۔
تفصیلات کے مطابق پاکستانی بیڈمنٹن پلیئر ماحور شہزاد نے ساتھی کھلاڑیوں پر تنقید کرتے ہوئے کہا کہ میرے اولمپکس میں جانے سے ساتھی کھلاڑی جل گئیں۔
Here is our flag bearer https://t.co/nvnEWkPrFu pic.twitter.com/sIGnHQWRDs
— Naimat Khan (@NKMalazai) July 28, 2021
ماحور شہزاد ساتھی بیڈمنٹن پلیئرز کو حاسد قرار دیتے ہوئے علاقائی تعصب بھی لے آئیں۔
ماحور شہزاد کی ویڈیو وائرل ہونے پر تنقید کی زد میں آنے کے بعد معافی مانگ لی۔
ماحور شہزاد نے اپنے سوشل میڈیا اکاؤنٹ پر لکھا کہ ’میں یہ معافی اپنے پشتون بھائیوں کے لیے لکھ رہی ہوں۔ کسی بھی طرح سے میں نسل پرستانہ تبصرے کرنے کا ارادہ نہیں رکھتی۔‘
Yesterday I apologised on my social media platforms formally as it was not possible to record a message.
Therefore, I recorded a video message as an apology to those who got hurt from my words.
Kindly watch the video and I hope the video will clear the misunderstandings! pic.twitter.com/iCZE5xUrzx
— Mahoor Shahzad (@OfficialMahoor) July 28, 2021
پیغام میں اپنی بات کو مزید واضح کرتے ہوئے ماحور نے لکھا کہ ’کچھ پاکستانی بیڈمنٹن کھلاڑی ہیں جو میرے خلاف منفی مہم چلا رہے ہیں، لہٰذا میں نے اس ویڈیو میں صرف ان کا حوالہ دیا۔‘
ماحور شہزاد نے اپنے بیان کی وجہ سے لوگوں کے احساسات مجروح کرنے پر افسوس کا اظہارکرتے ہوئے تحریر کیا کہ ’مجھے اپنے پشتون بھائیوں اور بہنوں کے جذبات مجروح کرنے پر دل سے افسوس ہے۔‘
اپنے پیغام کے آخر میں انہوں نے ملک کے تمام سندھی، پنجابی، بلوچ اور پشتون بہن بھائیوں کی حوصلہ افرائی کو اپنی کامیابی کی وجہ قرار دیا۔
انہوں نے حوصلہ افزائی کرنے والوں کو سراہتے ہوئے لکھا کہ ’آخر میں میں یہ کہنا چاہتی ہوں کہ پنجابیوں، سندھیوں ، بلوچوں اور پشتون بھائیوں اور بہنوں کی محبت اور حمایت کے بغیر اس سطح پر مقابلہ کرنا یقینا ناممکن تھا۔‘
اپنے پیغام میں ماحور شہزاد نے مزید لکھا کہ ’میں نے جو کچھ بھی حاصل کیا ہے اور آج میں جہاں کھڑی ہوں وہ آپ سب کے پیار اور تعاون کی وجہ سے ہے۔‘
واضح رہے کہ پاکستانی بیڈمنٹن کھلاڑی ماحور شہزاد میگا ایونٹ میں مسلسل اپنا دوسرا میچ بھی ہارگئیں، برطانوی کھلاڑی نے ماحور کو 14-21 اور 14-21 سے شکست دی۔
اس سے قبل ماحور شہزاد کو جاپان کی یاماگوچی نے اسٹریٹ سیٹس میں شکست دی تھی میچ میں یاماگوچی کی جیت کا اسکور 21-3 اور 8-21 رہا۔
ماحور شہزاد پاکستان کی نمبرون بیڈ منٹن کھلاڑی ہیں، ماحور نے پاکستان انٹرنیشنل بیڈمنٹن ٹورنامنٹ 2017 کے سنگلز میں سونے اور ڈبلز مقابلوں میں کانسی کا تمغہ جیتا جبکہ جنوری 2017 میں نیشنل بیڈمنٹن چیمپیئن شپ کے سنگلز مقابلوں کی فاتح رہیں اور خواتین کے ڈبلز مقابلوں میں دوسری پوزیشن حاصل کی تھی۔
اس کے علاوہ ماحور جنوبی کوریا میں ہونے والی ایشیئن گیمز 2014 میں پاکستان کی نمائندگی بھی کر چکی ہیں جس کے بعد انھوں نے 2015 اور 2016 میں منعقد ہونے والے آل پاکستان رینکنگ بیڈمنٹن ٹورنامنٹ کے خواتین کے سنگلز مقابلے جیتے جبکہ نیشنل بیڈمنٹن چیمپیئن شپ 2015 میں دوسری پوزیشن حاصل کی تھی۔