نیامی (ڈیلی اردو) مغربی افریقہ کے ملک نائیجر عسکریت پسندوں کے حملوں میں کم از کم پندرہ فوجی ہلاک ہو گئے ہیں۔
تفصیلات کے مطابق جنوب مغربی نائجر میں ایک حملے کے نتیجے میں کم از کم پندرہ فوجی ہلاک ہو گئے ہیں جبکہ چھ اہلکار لاپتا ہیں۔
تورودی ضلع میں ان فوجیوں پر گھات لگا کر حملہ کیا گیا۔ یہ علاقہ برکینا فاسو اور مالی کی سرحدوں سے متصل ہے۔ اس سرحدی مثلث میں اکثر پرتشدد کارروائیاں ہوتی رہتی ہیں۔
نائجر حکام نے اس حملے کی ذمہ داری جہادی گروپوں پر عائد کی ہے لیکن فی الحال اس دعوے کی تصدیق نہیں ہو پائی ہے۔
