اسلام آباد کے علاقے بنی گالہ میں ریٹائرڈ میجر بیوی سمیت قتل

اسلام آباد (ڈیلی اردو) وفاقی دارالحکومت اسلام آباد میں قتل کی ایک اور واردات ہوئی ہے جس میں نامعلوم افراد نے مبینہ طور پر معمر میاں بیوی کو گھر میں گھس کر قتل کیا اور جائے وقوع سے فرار ہو گئے۔

نجی ٹی وی کے مطابق اسلام آباد میں تھانہ بنی گالہ کی حدود میں معمر میاں بیوی اپنے گھر میں مردہ پائے گئے ہیں۔

اس ضمن میں تھانہ بنی گالہ نے اپنے گھر میں مردہ پائے جانے والے 74سالہ میجر (ریٹائرڈ) شاہد رحمان اور ان کی اہلیہ کے بیٹے کی مدعیت میں نامعلوم افراد کے خلاف قتل کا مقدمہ درج کرلیا ہے۔

مقدمہ کے مدعی نے موقف اختیار کیا ہے کہ نامعلوم افراد نے گھر میں گھس کر ان کے والدین کو قتل کیا ہے۔

ابتدائی تفتیش کے حوالے سے پولیس کے ذمہ دار ذرائع کا کہنا ہے کہ اس حوالے سے بھی تفتیش کی جارہی ہے کہ کہیں معمر میاں بیوی کو کھانے میں زہر تو نہیں دیا گیا؟

اس خبر پر اپنی رائے کا اظہار کریں

اپنا تبصرہ بھیجیں