پینٹاگون کے باہر فائرنگ، متعدد افراد زخمی، حملہ آور ہلاک

واشنگٹن (ڈیلی اردو) امریکی محکمہ دفاع کے ہیڈ کوارٹر پینٹاگون کے قریب فائرنگ کے نتیجے میں سیکورٹی فورسز کے اہلکاروں سمیت متعدد افراد زخمی ہوگئے۔

پینٹاگون فورس پروٹیکشن ایجنسی نے ٹوئٹ کرکے امریکی شہریوں کو احتیاطی طور پر میٹرو ریل اور بس پلیٹ فارم کے ایریا سے دور رہنے کی ہدایت کرتے ہوئے کہا کہ حالات کنٹرول میں ہیں۔

پولیس ذرائع کے مطابق سیکورٹی فورسز نے حملہ آور کو گولی مار کر ہلاک کردیا، فائرنگ کے واقع کے بعد پینٹاگون کی عمارت کو ایک گھنٹہ سیل رکھا گیا۔

ریسکیو ذرائع کے مطابق زخمیوں کو فوری طور پر ہسپتال منتقل کیا گیا، سکیورٹی فورسز نے علاقے کو گھیرے میں لے کر تلاشی کا عمل شروع کر دیا۔

اپنا تبصرہ بھیجیں