لاہور (ڈیلی اردو) کراچی کے علاقے نیو کراچی میں نامعلوم افراد نے فائرنگ کر کے پیپلز پارٹی کی سابق خاتون عہدیدار کو قتل کر دیا۔
پولیس کے مطابق نیو کراچی خمیسو گوٹھ میں 50 سالہ تبسم فاطمہ بروہی پر دو موٹر سائیکلوں پر سوار 4 افراد نے فائرنگ کی۔
حکام کے مطابق مقتولہ پاکستان پیپلز پارٹی کی سابقہ عہدیدار تھیں، ابتدائی تفتیش کے مطابق واردات ٹارگٹ کلنگ معلوم ہوتی ہے تاہم واقعہ کا مقدمہ درج کر کے مزید تحقیقات شروع کر دی ہیں۔
دوسری جانب تبسم فاطمہ کے قتل پر چیئرمین پیپلز پارٹی بلاول بھٹو زرداری نے اپنے بیان میں پی پی پی شعبہ خواتین کراچی کی رہنما فاطمہ کے قتل کی شدید الفاظ میں مذمت کی ہے اور کہا ہےکہ وہ پارٹی کا سرمایہ تھیں، ان کا بہیمانہ قتل ناقابلِ معافی جرم ہے یقین ہے، فاطمہ کے قتل میں ملوث ملزمان کو جلد قانون کی گرفت میں لایا جائے گا۔
چیئرمین بلاول بھٹو زرداری کی جانب سے پی پی پی شعبہ خواتین کراچی کی رہنما فاطمہ مسافر کے قتل کی شدید مذمت
فاطمہ مسافر پارٹی کا سرمایہ تھیں، ان کا بہیمانہ قتل ناقابلِ معافی جرم ہے: بلاول بھٹو زرداری @BBhuttoZardari
— PPP (@MediaCellPPP) August 7, 2021
بلاول بھٹو زرداری نے فاطمہ کے خاندان سے دلی تعزیت اور ہمدردی کا اظہار کیا ہے۔
یقین ہے، فاطمہ مسافر کے قتل میں ملوث ملزمان کو جلد قانون کی گرفت میں لایا جائے گا: بلاول بھٹو زرداری
بلاول بھٹو زرداری نے فاطمہ مسافر کے خاندان سے دلی تعزیت اور ہمدردی کا اظہار کیا ہے
— PPP (@MediaCellPPP) August 7, 2021