لاہور (اے ڈی شہزاد) صوبہ پنجاب کے صوبائی حکومت لاہور کے علاقے بھاٹی گیٹ میں نامعلوم موٹرسائیکل سواروں کی فائرنگ سے پولیس اہلکار ہلاک ہوگیا۔
پولیس کے اہلکار نے مشکوک موٹرسائیکل کو روکنے کی کوشش کی تو پیچھے بیٹھے شخص نے فائرنگ کردی۔ کندھے اور ٹانگ پر گولی لگنے سے پولیس اہلکار رمضان شدید زخمی ہوگیا۔ اسے میو ہسپتال منتقل کیا گیا جہاں وہ چل بسا۔ پولیس نے مفرور مشکوک افراد کی تلاش کے لیے ناکہ بندی کردی ہے۔
سی سی پی او لاہور غلام محمود ڈوگر واقعہ کی اطلاع ملتے ہی تھانہ بھاٹی گیٹ پہنچ گئے اور جائے وقوعہ کا جائزہ لیا۔ انہوں نے واقعہ پر نوٹس لیتے ہوئے ایس پی سٹی سے رپورٹ طلب کرلی۔ انہوں نے سیف سٹی اور قریبی عمارتوں پر لگے کیمروں کی مدد سے ملزمان کو ٹریس کرنے کا حکم دیا۔
شہید کانسٹیبل محمد رمضان/نماز جنازہ ادا کر دی گئی
شہید کانسٹیبل محمد رمضان کی نماز جنازہ پولیس لائنز قلعہ گجر سنگھ میں ادا کر دی گئی
سربراہ لاہور پولیس غلام محمود ڈوگر کی نماز جنازہ میں شرکت
نمازے جنازہ میں ڈی آئی جی آپریشنز ساجد کیانی، ڈی آئی جی سیکیورٹی محبوب رشید کی شرکت pic.twitter.com/eOKuTf6kJ7— Hamid Siddique Anjum (Journalist) (@HSA_Journalist) August 13, 2021
ترجمان لاہور پولیس کے مطابق 40 سالہ کانسٹیبل محمد رمضان شکرگڑھ نارووال کا رہائشی تھا، جس نے 2005 میں بطور کانسٹیبل محکمہ پولیس میں شمولیت کی۔
لاہور پولیس کے ایک اور سپوت فرض کی راہ میں قربان ہوگیا،
بھاٹی گیٹ کے علاقے میں نامعلوم افراد کی فائرنگ سے پولیس کانسٹیبل شدید زخمی گیا، زخمی کانسٹیبل کو میوء ہسپتال منتقل کیا گیا جہاں میں جانبر نہ ہوسکا،#LahorePolice#OfficialDPRPP#ImranKhan pic.twitter.com/pv0Oh6gWlS— Capital City Police Lahore Official (@CcpoLahore) August 13, 2021