بلوچستان: ہرنائی میں سیکیورٹی فورسز کے کانوائے پر حملہ، ایف سی اہلکار ہلاک، 2 زخمی

اسلام آباد (ش ح ط) صوبہ بلوچستان کے ضلع ہرنائی میں دہشت گردی کے حملے میں ایک ایف سی اہلکار ہلاک جبکہ دو اہلکار زخمی ہونے کی اطلاعات ملی ہیں۔

ذرائع کا کہنا ہے کہ ضلع ہرنائی میں دہشت گردوں نے کمانڈنٹ ایف سی لورالائی سکاؤٹس کے قافلے پر حملہ کیا۔ حملے کے نتیجے میں ایک اہلکار موقع پر ہلاک ہو گیا جبکہ 2 اہلکار شدید زخمی ہو گئے۔

ذرائع کے مطابق سیکیورٹی فورسز پر حملہ شاہرگ کے قریب ہوا۔ جبکہ سیکیورٹی ذرائع نے لانس نائیک شریف کی ہلاکت کی تصدیق بھی کی ہے۔

زخمیوں کو سی ایم ایچ ہسپتال منتقل کیا گیا۔ جبکہ سیکیورٹی فورسز کی جانب سے علاقے کو گھیرے میں لے کر سرچ آپریشن شروع کر دیا گیا ہے۔

واضح رہے کہ بلوچستان میں صحافیوں کا ان علاقوں تک آزادانہ رسائی ممکن نہیں جو کہ شورش سے متاثر ہیں۔

اس صورتحال کے باعث میڈیا کو زیادہ تر سرکاری حکام یا متعلقہ فریقین کی جانب سے فراہم کردہ معلومات پر انحصار کرنا پڑتا ہے۔

اس خبر پر اپنی رائے کا اظہار کریں

اپنا تبصرہ بھیجیں