اقوام متحدہ کی پاک بھارت کشیدگی ختم کرانے کیلئے ثالثی کی پیشکش

نیویارک (ڈیلی اردو) اقوام متحدہ کے سیکرٹری جنرل اینتونیو گوترس نے پاکستان اور بھارت کے درمیان کشیدگی ختم کرانے کیلئے ثالثی کی پیشکش کردی۔

اقوام متحدہ کے سیکرٹری جنرل نے پاکستان اور بھارت میں کشیدگی پر تشوش کا اظہار کیا اور اس کے خاتمے کیلئے دونوں ممالک کو ثالثی کی پیشکش کی۔

ترجمان سیکرٹری جنرل اقوام متحدہ کا کہنا تھا کہ سیکرٹری جنرل نے آج صبح وزیر خارجہ شاہ محمود قریشی سے ٹیلی فون پر بات چیت کی جبکہ بھارت سے بھی مختلف سطح پر رابطے کئے ہیں۔

ترجمان سیکرٹری جنرل اقوام متحدہ کا کہنا تھا کہ پاک بھارت کشیدہ صورتحال کو انتہائی تشویش سے دیکھ رہے ہیں، دونوں ممالک خطے میں امن اور استحکام کیلئے ذمہ داریاں ادا کریں۔

ترجمان سیکرٹری جنرل اقوام متحدہ نے بتایا کہ دونوں ممالک کے درمیان کشیدگی کم کرنے کیلئے اقدامات پر زور دیا جارہا ہے تاہم پاکستان اور بھارت متفق ہوں تو ثالثی کیلئے تیار ہیں۔

یاد رہے کہ بھارتی طیاروں نے پیر اور منگل کی درمیانی شپ لائن آف کنٹرول کی خلاف ورزی کرتے ہوئے پاکستانی حدود میں داخل ہو کر ایمونیشن گرا کر فرار ہوئے جس کا بھرپور جواب دیتے ہوئے اگلے ہی روز پاک فضائیہ نے دو بھارتی لڑاکا طیارے مار گرائے اور ایک پائلٹ کو بھی گرفتار کرلیا۔

اپنا تبصرہ بھیجیں