ریاض (ڈیلی اردو) سعودی عرب میں زکو، ٹیکس اور کسٹمز اتھارٹی نے مختلف اقسام کی 66 ہزار 3 سو سے زائد شراب کی بوتلیں ضبط کرلیں۔ یہ شراب مملکت کے مغرب میں جدہ اسلامک پورٹ پر موصول ہونے والی کھیپوں میں چھپائی گئی تھیں۔
سعودی میڈیا کے مطابق کسٹمز اتھارٹی نے بتایا کہ شراب کی مملکت میں اسمگلنگ کی 3 الگ الگ کوششیں سامنے آئی ہیں۔ پہلی کوشش بطحا گذرگاہ سے گذرنے والے ٹرکوں سے ضبط کی گئی۔ یہ شراب اورنج جوس کی شکل میں اسمگل کی جا رہی تھی۔ ٹرک اور اس کے سامان کو کسٹم کے طریقہ کار کے مطابق چھان بین کے عمل سے گذارا گیا۔ اس کھیپ سے شراب کی 25380 بوتلیں چھپائی گئی تھیں۔
شراب اسمگلنگ کی دوسری کھیپ بھی بطحا بندرگاہ سے پکڑی گئی۔ یہ کھیپ پینے کے پانی کے کریٹوں میں لائی گئی تھی۔ پکڑی گئی بوتلوں کی تعداد 16800بتائی جاتی ہے۔
جدہ اسلامی بندرگاہ سے شراب کی تیسری کھیپ پکڑی گئی۔ یہ شراب مشین فلٹرز کی کھیپ لائی گئی تھی۔ ان بوتلوں کی تعداد 24132 بتائی جاتی ہے۔ بیرون ملک سے شراب لانے الزام میں پولیس اور کسٹمز حکام کی کوششوں سے 8 ملزمان کو گرفتار کیا گیا۔
