عراق: کرکوک میں داعش کا حملہ، 13 پولیس اہلکار ہلاک، 2 زخمی

بغداد (ڈیلی اردو) عراق کے صوبے کرکوک میں داعش تنظیم کے دہشت گردوں کے ساتھ جھڑپوں میں وفاقی پولیس کے متعدد اہل کار ہلاک اور زخمی ہو گئے۔ یہ بات عراقی سیکورٹی فورسز کے میڈیا سیل نے اتوار کے روز ٹویٹر پر ایک مختصر بیان میں بتائی۔

سیکورٹی ذرائع کے مطابق تل سطیح گاؤں میں داعش تنظیم کے اس حملے میں مارے جانے والے پولیس اہل کاروں کی تعداد 13 ہے جب کہ 2 اہل کار زخمی بھی ہوئے۔

ذرائع نے واضح کیا کہ مذکورہ گاؤں تک جانے والا راستہ مکمل طور پر بند ہے اور معاون فورسز وہاں پہنچنے سے قاصر ہیں۔

اپنا تبصرہ بھیجیں