بلوچستان: قلات میں پولیس موبائل پر دستی بم حملہ، 2 اہلکاروں سمیت 4 افراد زخمی

کوئٹہ (بیورو رپورٹ) صوبہ بلوچستان کے ضلع قلات میں نیشنل ہائی وے پر مغل ہوٹل کے قریب پولیس کی گشتی ٹیم کی گاڑی پر دستی بم سے حملے کے نتیجے میں 2 پولیس اہلکاروں سمیت 4 افراد زخمی ہوگئے۔

تفصیلات کے مطابق قلات میں ناملعوم مسلح موٹر سائیکل سواروں نے پولیس گشتی ٹیم پر دستی بم پھینکا جس کے نتیجے میں پولیس ڈرائیور عبدالقدوس مینگل اہلکار محمد عالم ایک راہگیر قبائلی رہنما ملک بابل اور ٹرک ڈرائیور عبدالقدیر مینگل زخمی ہوگئے جبکہ دستی بم حملے کے نتیجے میں قلات کے ڈی ایس پی غلام حسین محفوظ رہے جو پولیس کی گاڑی کے اندر بیٹھے تھے۔

واقعہ نیشنل ہائی وے پر پیش آیا، سی ٹی ڈی و دیگر قانون نافذ کرنے والے ادارے نے جگہ کا معائنہ کیا، زخمیوں کو فوری طور پر قلات ڈسٹرکٹ ہسپتال میں طبی امداد دی گئی تاہم زخمیوں کی حالت خطرے سے باہر بتائی جاتی ہے۔

اس خبر پر اپنی رائے کا اظہار کریں

اپنا تبصرہ بھیجیں