خیبر پختونخوا: تورغر میں آسمانی بجلی گرنے سے 17 افراد ہلاک، متعدد زخمی

تورغز (نمائندہ ڈیلی اردو) صوبہ خیبر پختونخوا کے ضلع تورغر میں آسمانی بجلی گرنے سے 17 افراد ہلاک جبکہ متعدد افراد شدید زخمی ہوئے ہیں۔

پولیس کے مطابق ضلع تور غر میں 2 گھروں پر آسمانی بجلی گر گئی، جس کے باعث 3 گھر تباہ ہوگئے جبکہ مکانات گرنے سے متعدد افراد ملبے تلے دب گئے۔

پولیس حکام کا کہنا ہے کہ مکانات کے ملبے سے 14 افراد کی لاشیں نکال لی گئی ہیں، لاشوں اور زخمیوں کو نکال کر بٹ گرام سول ہسپتال منتقل کردیا گیا۔

ملبے تلے دبے دیگر افراد کی تلاش کیلئے امدادی کارروائیاں جاری ہیں۔

اپنا تبصرہ بھیجیں