اسلام آباد (ش ح ط) صوبہ خیبر پختونخوا کے قبائلی ضلع جنوبی وزیرستان میں ایک خودکش بم حملے میں ایک سیکیورٹی فورسز کا اہلکار ہلاک اور چار اہلکار زخمی ہوگئے۔
تفصیلات کے مطابق دھماکا پیر کے روز جنوبی وزیرستان کی تحصیل لدھا کے علاقے بدر بریج کے قریب ہوا۔
جنوبی وزیرستان کی تحصیل لدھا میں دھماکا، ذرائع کا کہنا ہے کہ خودکش بمبار نے سیکیورٹی فورسز کی گاڑی کو نشانہ بنایا۔ ہلاکتوں کا خدشہ#TTP #Ladha #SouthWazirista #Pakistan @Natsecjeff pic.twitter.com/1OlSF5QLEu
— Shabbir Hussain Turi (@ShabbirTuri) September 13, 2021
سرکاری ذرائع کے مطابق خودکش دھماکے میں ايف سی کی گاڑی کو نشانہ بنایا گیا، جو معمول کے گشت پر تھی۔
ذرائع کا مزید کہنا تھا کہ حملہ آور نے موٹر سائیکل کے ذریعے سیکیورٹی فورسز کی گاڑی کو نشانہ بنایا۔ خودکش حملے میں ایک سیکیورٹی اہلکار ہلاک اور چار زخمی ہو گئے۔
ہلاک ہونے والے اہلکار کی شناخت سپاہی وقاض خان کے نام سے ہوئی ہے جبکہ حوالدار منصور، سپاہی حامد، سپاہی فرمان اور سپاہی وقاص خان زخمی ہوگئے ہیں۔
دوسری جانب کالعدم تنظیم تحریک طالبان پاکستان نے حملے کی ذمہ داری قبول کر لی۔
جنوبی وزیرستان خودکش حملے کی ذمہ داری کالعدم تنظیم تحریک طالبان پاکستان نے قبول کرلی۔ ترجمان نے دعوی کیا ہے کہ حملے میں دو افسران سمیت دس سے زائد اہلکار ہلاک و زخمی ہوگئے ہیں۔#TTP #Ladha #Southwaziristan #Pakistan pic.twitter.com/jNZ8IWgeGc
— Shabbir Hussain Turi (@ShabbirTuri) September 13, 2021
ترجمان محمد خراسانی نے دعوی کیا ہے کہ حملے میں دو افسران سمیت دس سے زائد اہلکار ہلاک و زخمی ہوگئے۔