اسلام آباد (ش ح ط) صوبہ خیبر پختونخوا کے ضلع مردان میں نامعلوم افراد کی فائرنگ سے ایک پولیس افسر ہلاک ہوگیا ہے۔
یہ واقعہ تخت بھائی کے علاقے شاہ چراغ میں پیش آیا۔
تفصیلات کے مطابق پولیس حکام کا کہنا ہے کہ چوکی انچارج اے ایس آئی شاہ فیصل ڈیوٹی ختم کرکے واپس جارہے تھے کہ ان پر موٹر سائیکل سواروں نے فائرنگ کی اور فرار ہوگئے۔ واقعے کی اطلاع ملتے ہی ریسکیو اور پولیس کی ٹیمیں جائے وقوعہ پر پہنچ گئیں ہیں جبکہ لاش کو مردان ہسپتال منتقل کردیا گیا ہے۔
پولیس نے علاقے کو گھیرے میں لے کر سرچ آپریشن شروع کردیا ہے۔
مقامی ذرائع نے ڈیلی اردو کو بتایا کہ علاقے میں پولیس چوکی پڑاو پر پولیس افسر شاہ فیصل انچارج تعینات تھا۔
ضلع مردان کے شہر تخت بھائی کے علاقے مدے بابا جلالہ میں نامعلوم افراد کی فائرنگ سے ایک پولیس افسر (اسسٹنٹ سب انسپکٹر) شاہ فیصل ہلاک ہوگیا۔ دوسری جانب کالعدم تحریک طالبان پاکستان نے حملے کی ذمہ داری قبول کرلی۔#Mardan #TakhtBhai #Pakistan #TTP@Natsecjeff pic.twitter.com/x4Nt6tfrZC
— Shabbir Hussain Turi (@ShabbirTuri) September 16, 2021
مقامی پولیس اہلکار کے مطابق یہ ٹارگٹ کلنگ کا واقعہ ہے جبکہ کالعدم تنظیم تحریک طالبان پاکستان نے اس حملے کی ذمہ داری قبول کی ہے۔